images
images

सुरु भयो आजको बन्दसत्र, स्थायी कमिटीले तयार पारेकाे केन्द्रीय सदस्यहरूकाे नाम बाचन गरेर अधिवेशन सक्ने तयारी

  • पुष १८ २०७८, आईतवार
images

काठमाडौं । नेकपा माओवादी केन्द्रको आठौं राष्ट्रिय महाधिवेशन अन्तर्गतको बन्दसत्र सुरु भएको छ । तोकिएको समयभन्दा केहीबेर ढिलो गरी बन्दसत्र सुरु भएको हो ।

बन्दसत्र सुरु भएलगत्तै अध्यक्ष प्रचण्डले सम्बोधन गर्न सुरु गरेका छन् । बन्दसत्रअघि स्थायी कमिटी बैठक बसेको थियो । सो बैठकले केन्द्रीय कमिटीमा रहनेहरुको सूची सहमतिको आधारमा तय गर्ने विषयमा छलफल गरेको छ ।

आजै बन्दसत्रले पार्टीको केन्द्रीय कमिटी चयन गरेर महाधिवेशन नै सक्ने तयारी छ। अध्यक्ष पुष्पकमल दाहाल ‘प्रचण्ड’ नामको सूची बोकेर भर्खरै बन्दसत्र हलमा प्रवेश गरेका छन् । अध्यक्षमण्डलले तयार पारेको नामहरू लिएर प्रचण्ड हलमा छिरेका हुन् ।

माओवादीले केन्द्रीय सदस्यहरू चयनपछि त्यही भित्रबाट पदाधिकारी छनोट गर्नेछ । नेतृत्वको सूचीउपर कसैलाई चित्त नबुझे चुनाव लड्ने अधिकार सुरक्षित गरिएको माओवादीले जनाएको छ ।

images