खाइ लाईकि लक्षिमा राम्री
त्यसै राम्री टुल्का
लाग्न्याउँदो लाग्दैन माया
नलाग्न्याउँदो उल्का

कर्णालीको मौलिक लोक भाकामा आधारित गित ‘टुल्का’ बजारमा आएको छ । सोमबार प्रण्य दिवसको अवसर पारेर सि.के. नेपाल मिडिया प्रा. लि मार्फत बजारमा आएको छ । कर्णालीका सञ्चारकर्मी पुष्पराज भट्टराईको शब्द संकलन रहेको गितमा देउडा गायक महेन्द्र शाही ‘रास्कोटी’ र गायिका कल्पाना बिसीले स्वरबद्द गरेका छन् ।

पानी मिठो कर्णालीको
माछा रारा तालको
माया मानि क्यालाग्दो भई
मै अर्काकी मालको

युवा अवस्थाको प्रेमभाव झल्कीने गीतको भिडियोकाे प्रमुख भुमिकामा माेडल इब्सल संज्याल र ललित विश्वकर्माले अभिनय गरेका छन् । कर्णालीको यर्थाथता चित्रण गरेको गितले यस क्षेत्रमा छोरा जन्माउने आशामा हुने बहुविवहाको प्रचलनलाई चित्रण गर्न खोजिएको गितका निर्देशक तथा छायाँकार खगेन्द्र न्यौपानेले बताएका छन् । सरला रोकाया न्यौपानेको सम्पादन रहेको गीतको संगित गायक शाहीले नै गरेका हुन् । आमा डट कम युटुब च्यानल मार्फत सोमबार गित सार्वजनिक गरिएको छ ।