काठमाडौं । मदिरा व्यवसायी ग्रीनलाइनका सञ्चालक अमित अग्रवाल पक्राउ परेका छन् ।

महानगरीय प्रहरी परिसर काठमाडौंको टोलीले उनलाई बैंकिङ कसूरको आरोपमा केही दिनअघि नियन्त्रणमा लिएको हो । प्रहरीका अनुसार केही व्यवसायीलाई दिएको चेक बाउन्स भएपछि परेको उजुरीका आधारमा उनलाई पक्राउ गरिएको हो ।

अदालतबाट म्याद थप गरेर अनुसन्धान गरिरहेको प्रहरीको भनाइ छ । उनी चार वटा बैंकको ऋण डुबाएर भागेका थिए । तर, केही समयपछि फर्केर पत्रकार सम्मेलन गर्दै आफ्नो सम्पत्तिबाट बैंकको ऋण तिर्ने बताएका थिए । पुस २२ मा परिवारसहित फरार भएका उनी माघ २७ गते काठमाडौं फर्किएका थिए ।