काठमाडौं । फोर्ब्समा छापिएको एक रिपोर्ट अनुसार युक्रेनमा चलिरहेको हमलाका बीच रुसी अर्बपतिले करिब ९० अर्ब डलर गुमाएका छन् । फोर्ब्सको यो रिपोर्टमा इयन मार्टिनले रुसी समाचार एजेन्सी तासलाई उद्धृत गर्दै रुसका राष्ट्रपति भ्लादिमिर पुटिनले आफ्ना देशका शीर्ष अर्बपतिको बैठक पनि बोलाएको जानकारी दिए ।
जबदेखि रुसका राष्ट्रपति पुटिनले युक्रेनमाथि हमलाको घोषणा गरे, त्यतिबेलादेखि शेयर बजार पनि नराम्रोसँग खस्कियो । यसैकारण पनि मानिसलाई ठूलो हानी भएको छ । यसैबीच अमेरिका, बेलायत र युरोपेली संघले पनि आफ्नो प्रतिबन्धमा रुसका बैंक र अर्बपतिलाई निशाना बनाएका छन् । उनीहरुको सम्पत्ति फ्रिज गरिएको छ र उनीहरुको आवतजावतमा पनि रोक लगाएको छ ।
Plunging stock markets and ruble hitting record lows have cost the 116 Russian billionaires tracked by Forbes at least $90 billion since the start of the military buildup for the invasion of Ukraine
— Iain Martin (@_IainMartin) February 24, 2022
फोर्ब्सको आँकडाले दिएको जानकारी अनुसार १६ फेब्रुअरीदेखि रुसी अर्बपतिले करिब ९० अर्ब डलर गुमाएका छन् । यीमध्ये करिब ३९ अर्ब डलरको हानी बिहिबार मात्रै भएको छ । ब्लूमबर्गले पनि यहि रिपोर्ट दिएको छ । रुसको सेयर बजार ३३ प्रतिशतसम्म खस्कियो जबकी डलरको तुलनामा रुबलको मूल्य रेकर्डस्तरमा तल गयो । फोर्ब्सले बताए अनुसार रुसका जुन अर्बपतिलाई भारी हानी भएको छ त्यसमा एलेक्पेरोफ, मिदेल्सन, मोरदाशोफ, पोतेनिन र केरिमोफको नाम शीर्ष स्थानमा छ ।
Russia's billionaires have lost $39 billion in the last 24 hours https://t.co/XXLFebLKGM
— Bloomberg (@business) February 25, 2022
