काठमाण्डौ । दशैं तथा तिहारपछि सुस्ताएको अटोमोबाइल्स बजारलाई चलाएमान बनाउन दुई पाँग्रे तथा चारपाग्रे अटो कम्पनीले नयाँ बर्षे स्किम ल्याउन सुरु गरेका छन । २०७९ लाग्नु भन्दै झन्डै एक महिना अघिदेखि अटोकम्पनीहरुले ग्राहकलाई आकर्षण गराउन क्यास डिसकाउन्टदेखि सस्तो दरमा एक्सचेन्ज योजना सार्वजनिक गर्न थालेका हुन ।

नयाँ बर्षका लागि नेपालका अघिकांश अटोमोबाइलस् कम्पनीले नयाँ बर्ष तथा चाडपर्व अफर ल्याउने गरेका छन । हाल नयाँ बर्ष लाग्न २० दिन बाँकी नै रहदाँ तीन कम्पनीले भने बम्फर अफर ल्याएका छन । जसमा नेपालमा सर्वाधिक विक्री हुने यामाहा, टिभिएस र बेनेलीले क्यास डिसकाउन्ट देखि सस्तो अफरसम्म ल्याएका छन ।

यामाहा
यामाहा मोटरसाइकलको नेपालका लागि आधिकारिक विक्रेता एमएडब्लू इन्टरप्राइजेजले नयाँ वर्षको ‘मल्टिप्लाई योर ह्यापीनेस’ अफर सार्वजनिक गरेको छ नयाँ वर्ष २०७९ सालको अवसर ग्राहकले २०७९ लाई १ हजार गुणासम्म रकम जित्न सक्नेछन् ।

कम्पनीले ल्याएको यो योजनामा ग्राहकले यामाहा कुनै पनि सवारी साधन खरिद गर्दा स्योरसट ८ हजार ३१६ (२०७९×४) देखि २ लाख ७ हजार ९०० (२०७९×१००) रुपैयाँसम्म नगद पुरस्कार जित्न सक्नेछन् । त्यस्तै बम्पर पुरस्कारमा एकजना भाग्यशाली ग्राहकले २० लाख ७९ हजार रुपैयाँ (२०७९×१०००) जित्न सक्नेछन् । कम्पनीले यो योजना अन्तर्गत शून्य प्रतिशत व्याज, लो डाउनपेमेन्ट जस्ता फाइनान्स सविधासमेत उपलब्ध गराउने जनाएको छ ।

टिभिएस
जगदम्बा मोटर्सले टीभीएसको मोटरसाइकल तथा स्कुटरमा नयाँ वर्ष स्कीम सुरु गरेको छ । कम्पनीले नयाँ वर्षलाई केन्द्रमा राखेर ल्याएको स्कीममा ‘आयो, पायो, पर्यो र सोर्यो’गरी चार किसिमबाट जित्न सकिने योजना ल्याएको हो ।

कम्पनीले सुरु गरेको स्कीममा आयो ट्याग्लाइनमा कम्पनीको सोशल मिडिया पेजमा सहभागी भएर ५० हजारसम्म नगद जित्न सकिने कम्पनीले जनाएको छ । यो स्कीममा मोटरसाइकल किन्ने वा नकिन्ने दुबै सहभागी हुन पाउने छन् ।

त्यसैगरी पायोमा ग्राहकले मोटरसाइकल नकिन्दै टीभीएस नेपालको वेभसाइट मार्फत न्यू इयर स्कीममा नाम दर्ता गरेर ५० हजारसम्म जित्न सक्नेछन् ।
साथै, मोटरसाइकल किन्ने ग्राहकले पर्यो योजनामा स्क्र्याचकार्ड मार्फत १ लाखसम्म नगद जित्न सक्नेछन् । सोर्यो योजनामा मोटरसाइकल किनेका वा नकिनेका दुबै ग्राहकलाई समावेस गरिने छ ।

टीभीएस नेपालको सोसल मिडियामा सहभागीता जनाएको आधारमा ३ जना भाग्यमानीले अपाचे आरआर ३१० जित्न सक्नेछन् । जगदम्बा मोटर्सले महंगीलाई वाई वाई भन्दै मासिक ५ लाख ९९९ रुपैयाँ किस्तामा एक्स्चेन्ज गर्नेहरुलाई मोटरसाइकल उपलब्ध गराउने जनाएको छ ।

बजाज
त्यस्तै बजाज मोटरसाइललेपनी पन्च नामक नयाँ बर्ष अफर सार्वजनिक गरेको छ । जस अन्तर्गत बजाज स्वरुमा बाइक हेरेर एसएमएस मार्फत ५० हजारसम्म जित्ने मौका अफर दिएको छ भने किन्ने बोलमा युनिक कोड माफत एक लाख र किनेपछि अरुलाई रिफर गरि फ्रि सर्भिसिङ जितने अबसर कम्पनीले दिएको छ ।

त्यस्तै बम्फर अफर तर्फ १० लाखसम्म जित्न सक्ने कम्पनीले जनाएको छ ।

बेनेली

नयाँ बर्षका लागी बेनेली बाइक तथा स्कुटर खरिद गर्दा सबै भेरियन्टका लागि २५ हजारसम्मको नगद छुटको घोषणा गरेको छ ।

केटिएम इन्टरनेशनल ट्रेडिङ प्रालिले इटालियन ब्राण्ड बेनेलीका प्रिमियम, प्रिमियम प्लस र टुर सेग्मेन्टका बाइकहरु विक्री गर्दै आएको छ । हालै सार्वजनिक भएको स्कुटर बेनेली पनेरा १२५ सीसीको लोकप्रिय बन्दै गएको कम्पनीले बताएको छ ।