सिटिजन लाइफ इन्स्योरेन्सको आईपीओ बाँडफाँड, ५ लाख बढीको हात खाली

images

काठमाण्डौ । सिटिजन लाइफ इन्स्योरेन्स कम्पनीको आईपीओ आज बिहीबार (भदौ २८ गते) बाँडफाँड गरिएको छ। धितोपत्र बिक्री प्रबन्धक एनआईएमबि एस क्यापिटलले आईपीओ बाँडफाँड गरेको हो। आईपीओ बाँडफाँड कार्यक्रम क्यापिटलको कार्यालयमा दिउँसो २ बजे राखिएको थियो।

सिटिजन लाइफले गत भदौ १५ गतेदेखि भदौ १९ गतेसम्म सर्वसाधारणलाई आईपीओ बिक्री खुला गरेको थियो। कम्पनीले १०० रुपैयाँ अंकित मूल्यमा १४४ रुपैयाँ प्रिमियम थप गरी प्रतिकित्ता २४४ रुपैयाँमा ९० लाख कित्ता आईपीओ सर्वसाधारणका लागि बिक्री खुला गरेको थियो।

images

 

क्यापिटलका अनुसार यो आईपीओमा कुल १४ लाख १३ हजार १५८ आवेदकबाट माग भएको १ करोड ५६ लाख ६ हजार ८२० कित्ता प्रमाणीकरण भएको छ। जसमा १४ लाख ७ हजार २३७ आवदेकबाट परेको १ करोड ५५ लाख २२ हजार ३७० कित्ता सदर भएको छ भने ५ हजार ९२१ आवेदकबाट परेको ८४ हजार ४५३ कित्ता बदर भएको छ।

 

मागभन्दा बढी आवेदन परेकै कारण यो आईपीओ गोलाप्रथाबाट बाँडफाँड गरिएको छ। जसमा भाग्यमानी ९ लाख आवेदकले १० कित्ताका दरले सेयर पाउनेछन्। यो हिसाबले सदर आवेदकमध्ये ५ लाख ७ हजार २३७ आवेदकको खाली भएको छ। यो आईपीओ बाँडफाँडको अन्तिम नतिजा केहीबेरमा सार्वजनिक हुनेछ। आईपीओको अन्तिम नतिजा धितोपत्र बिक्री प्रबन्धक र आईपीओ निष्कासन गर्ने कम्पनीको वेबसाइटमा र सीडीएससीको iporesult.cdsc.com.np मा हेर्न सकिन्छ।

images