अर्थ चौतारी 
काठमाण्डौ । रोयल इनफिल्ड हन्टर टिकटक च्यालेन्सका तीन विजेता घोषणा भएका छन् । पोखराका पदम लामा, स्मिता घिमिरे र हेटौंडाका रजक शाही रोयल इन्फिल्ड हन्टर टिकटक च्यालेन्सका विजेता घोषित भएका हुन् ।
पोखराका लामा प्रतिस्पर्धामा प्रथम हुँदै नगद रु.एक लाख प्राप्त गर्न सफल भएका छन् । यस्तै, पोखराकै स्मिता घिमिरेले दोस्रो स्थान हासिल गर्दै नगद ६० हजार रुपैयाँ प्राप्त गरेकी छिन् भने हेटौंडाका शाहीले तेस्रो हुँदै नगद ४० हजार रुपैयाँ हात पारेका छन् ।
बिहीबार एक समारोहकाबीच रोयल इन्फिल्डका लागि नेपालको आधिकारिक बिक्रेता अल्फा अटोमोटिभका निर्देशक मेघराज पौडेलले विजेता तीन जनालाई नै चेक हस्तान्तरण गरे ।
कम्पनीले रोयल इनफिल्डको नयाँ मोडेल हन्टर ३५० सीसी लाई बजार प्रबन्धन गर्न र युवा पुस्तालाई सोसल मिडिया मार्फत आकर्षित गर्न २०८० असोज ६ गतेदेखि २०८० असोज ३० गतेसम्म हन्टर टिकटक च्यालेन्स, २०२३ आयोजना गरेको थियो । सोही प्रतिस्पर्धामा सहभागिमध्यहरुबाट कम्पनीले तीन विजेता छनोट गरेको हो ।
