ललितपुर । माओवादी केन्द्रका उपमहासचिव तथा प्रतिनिधि सभा सदस्य जनार्दन शर्माले जाजरकोट र रुकुम पश्चिमलगायतका प्रभावित क्षेत्रमा परम्परागत शैलीमा भूकम्प प्रतिरोधी घर निर्माण गरिनुपर्नेमा जोड दिएका छन् ।

बुधवार ललितपुरमा आयोजित भूकम्प प्रभावित क्षेत्रको पुनर्निर्माण सम्बन्धी बृहत् अन्तरक्रिया कार्यक्रममा बोल्दै पूर्वमअर्थमन्त्री समेत रहेका शर्माले परम्परागत शैलीमा भूकम्प प्रतिरोधी घर बनाउनु पर्नेमा जोड दिएका हुन् ।

यस्तै उनले प्रभावित क्षेत्रमा विद्यालय पुनर्निर्माण गर्दा आवश्यकता अनुसार स्कुल मर्ज गरेर सोही अनुसार काम गर्न सकिने धारणा राखे । रुकुम पश्चिमबाट प्रतिनिधिसभामा प्रतिनिधित्व गर्ने उनले पुनर्निर्माणका क्रममा वातावरण संरक्षणका साथै समुदायमा आधारित निर्माणमा जोड दिनुपर्ने बताए ।

उनले घर मात्रै नभई शौचालय, गोठलगायत समेतको निर्माणमा सहयोग गर्न उनले सरकारसँग माग गरे ।