अर्थ चौतारी
काठमाण्डौ । अर्थमन्त्री वर्षमान पुनले अमेरिकी लगानीकर्तालाई नेपालमा आयोजना हुन लागेको लगानी सम्मेलनमा बढीभन्दा बढी सहभागिता जनाउन अपिल गरेका छन् ।
आइतबार मन्त्रालयमै नेपालका लागि अमेरिकी राजदूत डिन थम्पसनसँग भएको भेटमा उहाँले नेपालमा लगानीका लागि कृषि, उद्योग तथा आईटी राम्रो सम्भावनाको क्षेत्र भएकाले लगानीकर्ता आउने वातावरण निर्माण गरिदिन आग्रह गरेका हुन् ।
सरकारले आगामी बैशाखमा लगानी सम्मेलनको आयोजना गर्दैछ । अर्थमन्त्री पुनले लगानीका लागि कृषि, उद्योग र आईटीमा बढी सम्भावना रहेको पनि बताए । जवाफमा राजदूत थम्पसनले अमेरिकी लगानीकर्ता नेपालमा आउन आकर्षित रहेको भन्दै त्यसका लागि वातावरण बनाउन दूतावासले सक्रिय सहयोग गर्ने प्रतिबद्धता जनाएका छन् ।
अर्थ चौतारी ।
