काठमाण्डौ । आर्थिक क्षेत्रका सक्रिय  पत्रकार बिक्रम सुनारको ‘निगाली झाँपो’ बोलको गीत बजारमा आउने भएको छ । चर्चित गायिका प्रिति आले मगर र सुनारको स्वरमा रहेको उक्त गीत भदौ पहिलो साता नै नेपाली संगीत बजारमा आउन लागेको हो ।

अर्थ क्षेत्रमा पत्रकारीताका साथै सांगितक क्षेत्रमा सक्रिय रहँदै अाएका सुनारले यसअघि पनि आफ्ना केही गीतहरु बजारमा ल्याइसकेका छन् । गायन यात्रालाई निरन्तरता दिने क्रममा नेपाली गित ‘निगाली झाँपो’ ल्याउन लागेको गायक सुनारले बताए ।उनका अनुसार यो मौलिकपनसहितको गीत हो ।

‘निगाली झाँपो’ को लय तथा शब्द सृजना कलाकार भुवन बिकेको रहेको छ । गीतमा भुवन बिकेले नै संगीत संयोजन गरेका छन् ।
‘निगाली झाँपो’को मुख्य अभिनयमा चर्चित कलकार अस्मिता रनपाल, यशु भट्टराई, अजय बिके, भुवन बिके, बिक्रम सुनार लगायतलाई देख्न सकिनेछ ।

गीतको. म्युजिक भिडियो निर्देशन भने कमल थापाले गरेका छन् भने छायाङ्कन सुमन थापा र भिडियो सम्पादन विकास थापाले गरेका छन् । उक्त गीत https://www.youtube.com/@kamalsinjalithapa युट्युव च्यानल मार्फत सार्वजनिक हुने छ।