काठमाण्डौ । माघ मसान्तमा चालु खाता र शोधनान्तर स्थिति दुवै बचतमा रहेको छ । नेपाल राष्ट्र बैंकका अनुसार यो अवधिमा चालु खाता १६६ अर्ब ८० करोड रुपैयाँले बचतमा रहेको छ ।

अघिल्लो वर्षको सोही अवधिमा चालु खाता रु.१६२ अर्ब ५२ करोडले बचतमा रहेको थियो भने अघिल्लो महिनामा यस्तो वृद्धि १४८ अर्ब १७ करोडले बचतमा रहेको थियो ।

त्यस्तै, समीक्षा अवधिमा शोधनान्तर स्थिति रु.२८४ अर्ब ४१ करोडले बचतमा रहेको छ । अघिल्लो वर्षको सोही अवधिमा शोधनान्तर स्थिति २९७ अर्ब ७२ करोडले बचतमा रहेको थियो । त्यस्तै, अघिल्लो महिना शोधनान्तर स्थिति २४९ अर्ब २६ करोडले बचतमा रहेको थियो ।