कैलाली । कैलाली उद्योग वाणिज्य संघको अध्यक्षमा व्यवसायी पुष्कर राज ओझा विजयी भएका छन् । रुपेश स्वाँरलाई ६१ मतले पराजित गर्दै ओझा विजयी भएका हुन् । ९५० मतले ओझा विजयी हुँदा उनका प्रतिद्वन्द्वी स्वाँरले ८८९ मत पाएका छन् ।
ओझा यसअघिको कार्यसमितिमा वरिष्ठ उपाध्यक्ष पदमा थिए । महासचिवमा पनि ओझा समूहकै दिनेश लम्साल विजयी भएका छन् । लम्सालले ९१२ मत पाएका छन् भने प्रतिद्वन्द्वी सुरेश पाण्डेयले ८३४ मत पाए ।
वरिष्ठ उपाध्यक्षमा केशवराज जोशी, उपाध्यक्ष (उद्योग) मा लक्ष्मण राज पन्त, उपाध्यक्ष (एसोसिएट) मा मनोज अग्रवाल, उपाध्यक्ष ९वाणिज्य० मा गगन के।सी।, उपाध्यक्ष (वस्तुगत) मा भीमराज ओझा (अबु), कोषाध्यक्षमा तिलक बहादुर बोहरा र सचिवमा प्रकाश चन्द विजयी भएका छन् ।
सदस्यहरूमा शुभशंकर ठाकुर, तेज बम, अम्बिका भण्डारी, अजय पाण्डेय, ध्रुबराज दाहाल, तर्क राज भट्ट, सुरेश सापकोटा, मन्जु भट्ट, बम बहादुर कुँवर, कमला भट्टराई, प्रेमबहादुर धामी, देवराज जोशी र प्रमीला पाठक विजयी भएका छन् ।
कुल २,३३५ व्यवसायी मतदाता रहेको कैलाली उद्योग वाणिज्य संघको चुनावमा १,९४० मत खसेको थियो । ओझा नाडा अटोमोबाइल्स एशोसिएशन अफ नेपालका केन्द्रीय उपाध्यक्ष हुन् ।
अर्थ चाैतारी ।
