काठमाण्डौ । वाणिज्य, आपूर्ति तथा उपभोक्ता संरक्षण विभागले बजारमा खाना पकाउने ग्यासको अभाव देखिनुमा उद्योगी वा व्यापारीको कालोबजारी नभई आपूर्तिमै कमी हुनु मुख्य कारण रहेको निष्कर्ष निकालेको छ ।
विभागका निर्देशक नरहरि तिवारीले ग्यासका अभावका सन्दर्भमा बजारमा गरिएको अनुगमनको विषयमा स्पष्ट पार्दै उद्योगले ग्यास लुकाएको वा कालोबजारी गरेको नभेटिएको बताएका हुन् ।
निर्देशक तिवारीले भने, ‘हाम्रो अनुगमन र विश्लेषणले ग्यासमा कालोबजारी भएको देखाउँदैन । अनुगमनका क्रममा बढी मूल्य लिएको, अनावश्यक सञ्चय गरेको वा कृत्रिम अभाव सिर्जना गरेको पाइएन ।’
बजारमा उपभोक्ताले ग्यास पाउन मुस्किल भइरहेको गुनासो गरिरहँदा विभागले भने यसलाई आपूर्तिमा भएको कमी भनेको छ । निर्देशक तिवारीका अनुसार बजारमा ग्यासको अभाव वास्तविक हो र यो व्यापारीले लुकाएर नभई आयात नै कम भएको कारणले सिर्जना भएको हो ।
यता आयल निगमले भने ग्यास आपूर्ति पर्याप्त रहेको बताउँदै आएको छ ।
अर्थ चाैतारी ।
