पोखरा । नेपाल उद्योग वाणिज्य महासङ्घ गण्डकी प्रदेशको अध्यक्षमा २ जनाको उम्मेदवारी परेको छ । महासङ्घको चौथो महाधिवेशनबाट नेतृत्वका लागि २ जनाले दाबी गरेका हुन् । हालका कोषाध्यक्ष तथा स्याङ्जा उद्योग वाणिज्य सङ्घका पूर्वअध्यक्ष नवराज सुवेदी र बागलुङ उद्योग वाणिज्य सङ्घका निवर्तमान अध्यक्ष नरेश कँडेलको उम्मेदवारी परेको हो ।
उपाध्यक्षमा भने निर्विरोध भएको छ । एसोसिएटतर्फको उपाध्यक्षमा वर्तमान उपाध्यक्ष सूर्यबहादुर भुजेल र बस्तुगततर्फ हरिकुमार श्रेष्ठको मात्र उम्मेदवारी परेपछि उनीहरू निर्विरोध भएका हुन् । जिल्ला नगर उपाध्यक्षमा भने लेखनाथ उद्योग वाणिज्य सङ्घका पूर्वअध्यक्ष लक्ष्मीप्रसाद त्रिपाठी र लमजुङका मृगेन्द्र घिमिरेले उम्मेदवारी दिएका छन् ।
कोषाध्यक्ष पदमा लेखनाथ उद्योग वाणिज्य सङ्घका तर्फबाट राजेन्द्र ओझा र गोपी अधिकारीले उम्मेदवारी दिएका छन् । नेपाल उद्योग वाणिज्य महासंघ गण्डकीमा जिल्ला नगरतर्फ २३, एसोसिएटमा ५५ र बस्तुगततर्फ ६ जना सदस्य छन् ।
एसोसिएट सदस्यमा रामचन्द्र रेग्मी र काशी गुरुङको उम्मेदवारी परेको छ भने जिल्ला नगरतर्फ विमलप्रसाद रिमाल, ढालेन्द्र छन्त्याल,रामकुमार श्रेष्ठ,दीपकप्रसाद सापकोटा, ठाकुर बी पौडेल र हस्तबहादुर खड्काले उम्मेदवारी दर्ता गराएका छन् । बस्तुगत सदस्यमा हीरामणि पण्डित र चन्द्रकिशोर गौतमले उम्मेदवारी दिएका छन् ।
अर्थ चाैतारी ।
