काठमाण्डौ। स्वस्तिक लघुवित्त वित्तीय संस्था लिमिटेडले आफ्नो पहिलो सार्वजनिक निष्कासन (IPO) अन्तर्गत पहिलो चरणमा वैदेशिक रोजगारीमा रहेका नेपालीका लागि २३ हजार १०० कित्ता सेयर आजदेखि (असार २७ गते) बिक्रीमा ल्याएको छ।

को–कोले आवेदन दिन सक्छन्?
नेपाल सरकारबाट श्रम स्वीकृति (म्यानपावर) लिएर वैदेशिक रोजगारीमा गएका नेपाली नागरिकहरूले मात्र अहिलेको चरणमा आवेदन दिन सक्नेछन्।

के–कति सेयर?
कुल २ लाख ३१ हजार कित्ता आईपीओमध्ये

१,१५५ कित्ता कर्मचारीका लागि

११,५५० कित्ता सामूहिक लगानी कोषका लागि

२३,१०० कित्ता वैदेशिक रोजगारीमा गएकाहरूका लागि

बाँकी १,९५,१९५ कित्ता दोस्रो चरणमा सर्वसाधारणलाई निष्कासन गरिनेछ।

आवेदन कसरी दिने?
✅ नेपाल धितोपत्र बोर्डबाट अनुमति प्राप्त सबै C-ASBA सदस्य बैंक तथा वित्तीय संस्थाहरूमार्फत वा
✅ मेरोसेयर (Mero Share) को अनलाइन प्रणाली प्रयोग गरेर आवेदन दिन सकिनेछ।

न्यूनतम १० कित्ता र अधिकतम ५,००० कित्तासम्म माग गर्न सकिन्छ।

आवेदन दिने अन्तिम मिति साउन ९ गते तोकिएको छ।

स्वस्तिक लघुवित्तको आईपीओको निष्कासन तथा बिक्री प्रबन्धक नबिल इन्भेष्टमेन्ट बैंकिङ्ग लिमिटेड रहेको छ।
हाल सर्वसाधारणका लागि होइन, केवल वैदेशिक रोजगारीमा रहेका नेपालीहरूका लागि मात्र आवेदन खुला छ। बाँकी शेयर दोस्रो चरणमा आम सर्वसाधारणका लागि जारी गरिनेछ।