काठमाण्डौ । चालु आर्थिक बर्षको पहिलो ३ महिनाको अवधिमा विदेशबाट नेपालमा पठाउने रकम अर्थात् रेमिट्यान्स ३० प्रतिशतले बढेको छ । नेपाल राष्ट्र बैंकका अनुसार गएको साउन भदौ र असोजसम्मको अवधिमा रेमिट्यान्स ३० प्रतिशतले बढेको जनाएको हो ।

यो वृद्धिले चालु खाता तथा शोधनान्तर स्थिति बचतमा राख्न सहयोग पुगेको राष्ट्र बैंकले जनाएको छ । यो अवधिमा चालु खाता ५९ अर्ब ९ करोड रुपैयाँ र शोधनान्तर स्थिति ९९ अर्ब ७ करोड रुपैयाँले बचतमा रहेको छ ।

अघिल्लो आर्थिक वर्षको सोही अवधिमा चालु खाता रु ३५ अर्ब २४ करोड रुपैयाँले घाटामा र शोधनान्तर स्थिति १२ अर्ब ४३ करोड रुपैयाँले बचतमा रहेको थियो ।
शोधनान्तर स्थितिमा आएको सुधारका कारण विदेशी विनिमय सञ्चितिमा पनि सुधार भइ गएको असोज मसान्तमा १६ खर्ब४३ अर्ब ९ करोड पुगेको र यसले जुन करिब १० महिनाको वस्तु तथा सेवा आयात धान्ने राष्ट्र बैंकले जनाएको छ ।