काठमाण्डौ । सर्पाेट लघुवित्त वित्तीय संस्था लिमिटेडले संस्थापक शेयर बिक्रीमा ल्याएको छ । कम्पनीले संस्थापक शेयरधनीको नाममा रहेको पाँच हजार कित्ता शेयर बिक्रीमा ल्याएको हो ।

यो शेयर हाल संस्थापक शेयरधनीहरूले मात्रै किन्न पाउनेछन् । शेयरको न्यूनतम मूल्य प्रतिकित्ता ५०० रुपैयाँ तोकिएको छ । सो शेयर किन्न चाहने शेयरधनीले ३५ दिनभित्र काठमाण्डौको टेकुस्थित कम्पनीको शेयर रजिष्ट्रार आरविवि मर्चेण्ट बैंकिङ्ग लिमिटेडमा खरीद गर्न चाहेको शेयर विवरण खुलाई निवेदन दिनु पर्नेछ ।

तोकिएको समयभित्र संस्थापक शेयरधनीहरूले उक्त शेयर खरीदका लागि आवेदन नदिएमा अन्य व्यक्ति वा संस्थालाई बिक्री गरिने कम्पनीले जनाएको छ ।