काठमाण्डौ । प्रभु महालक्ष्मी लाइफ इन्स्योरेन्सको ८औँ वार्षिक साधारणसभा आज जेठ २६ गते बस्दैछ । साधारणसभामा ८ प्रतिशत बोनस सेयर र कर प्रयोजनका लागि ०.४२१ प्रतिशत नगद लाभांश वितरण गर्ने प्रस्ताव पेश हुनेछ ।
कम्पनीले ७औँ वार्षिक साधारणसभाबाट निर्णय भएको ७ प्रतिशत हकप्रद सेयर जारी गर्ने प्रस्ताव भने ८औँ साधारणसभाबाट रद्द गर्ने बताएको छ । प्रस्तावित बोनस सेयरबाटै चुक्ता पुँजी पुग्ने भएका कारण हकप्रद प्रस्ताव रद्द गर्न लागिएको जनाइएको छ ।
बोनस सेयरबाट चुक्ता पुँजी वृद्धि हुने भएकाले सोही बमोजिम प्रबन्धपत्र संशोधन गर्ने तयारीमा कम्पनी छ ।
कम्पनीले साधारणसभा प्रयोजनका लागि जेठ १६ गते बुक क्लोज गरिसकेको छ ।
अर्थ चाैतारी ।
