काठमाण्डौ । नेपाल धितोत्र बोर्डका कर्मचारीले फेरि धर्ना र पेनडाउनको कार्यक्रमलाई निरन्तरता दिने भएका छन्।
अर्थ मन्त्रालयको गत असोज २ गतेको पत्रपछि धितोपत्र बोर्डका कर्मचारीहरुले आन्दोलन सुरु गरेका थिए। उक्त पत्रको खारेजी माग गर्दै दुवै कर्मचारी संगठन युनियन र संगठनको संयुक्त आयोजनामा आन्दोलन भएको थियो।
पछिल्लो समय प्रतिनिधिसभाको चुनावका कारण आचार्यसंहिता लागू भएपछि कर्मचारीहरुले १ घन्टाको धर्ना तथा पेनडाउन कार्यक्रम स्थगित गरेका थिए।
कर्मचारीहरुले बिहीबारदेखि पुनः १ घन्टाको धर्ना तथा पेनडाउन कार्यक्रम सुरु गरेका छन्। आफ्ना माग पूरा नभएसम्म आन्दोलन जारी रहने दुवै संगठनले जनाएका छन्।
अर्थ चाैतारी ।
