काठमाडौं । राष्ट्रिय वाणिज्य बैंक मार्फत लम्कीचुहाका नगरपालिकामा कार्यरत स्थायी कर्मचारीहरूले बिना धितो १५ लाख रुपैयाँ सम्म पाउने भएका छन् । बैंकले नगरपालिकामा कार्यरत स्थायी कर्मचारीलाई ८.१४ प्रतिशतको ब्याज दरमा पाँच वर्षका लागि विना धितो १५ लाख रुपैयाँ सम्म ऋण प्रवाह गर्नेछ ।

बिहिबार लम्कीचुहा नगरपालिकाकामा भएको एक कार्यक्रममा राष्ट्रिय वाणिज्य बैंकका सुदूरपश्चिम प्रादेशिक कार्यालयका प्रबन्धक राजेश कुमार अग्रवाल र लम्कीचुहा नगरपालिकाका नगर प्रमुख महादेब बजगाईले समझदारी पत्रमा हस्ताक्षर गरेका छन् । कार्यक्रममा बोल्दै नगरपालिकाका निमित्त प्रमुख प्रशासकीय अधिकृत विक्रम चौधरीले बैंककाे न्युन ब्याजदरमा बिना धितोमा कर्जा पाए पछि कर्मचारीहरुलाई थप आर्थिक सहायत हुने बताएका छन् । उनले भने ‘कर्मचारीहरुलाई तलब भत्ताले मात्र आर्थिक आवश्यकता पूर्तिका लागि समस्या छ । बिना धितोमा र न्युन ब्याज दरमा बैंकले ऋण दिने भएपछि नगरपालिकामा कार्यरत कर्मचारीहरु हर्षित भएका छौं।’

त्यस्तै राष्ट्रिय वाणिज्य बैंकका सुदूरपश्चिम प्रादेशिक कार्यालयका उप-प्रबन्धक दीर्घ राज ओझाले नगरपालिकाका कर्मचारीहरुलाई आफ्ना आवश्यकताका परिपूर्तिका साथै सम्मानपूर्वक जीवनयापन गर्नमा उल्लेख्य योग्दान पुग्ने विश्वास बैकले लिएको बताएका छन् । उनले भने, जसरी आज आज हामी र नगरपालिकाबीच सम्झौता भएको छ । अब उहाँहरुलाई चाडै सुदुरपश्चिम प्रदेशमा रहेकाे नजिकैको शाखा मार्फत बिना धितो  ८.१४ प्रतिशतको ब्याज दरमा पाँच वर्षकालागि ऋण पउनुहुनेछ । नगरपालिका संग भएकाे सम्झौता कार्यान्वयनका लागि प्रदेश कार्यालय मातहतका शाखाहरुलाई छिट्टै निर्देशन गर्छौं।’