काठमाण्डौ । प्रधानमन्त्री केपी शर्मा ओलीले आफू नेतृत्वको सरकारलाई लगानीकर्ताले विश्वास गर्दा शेयर बजारमा हरियाली छाएको दाबी गरेका छन्। उनले सरकार बनेपछि अर्थतन्त्रको ऐना मानिने शेयर बजार हरियो भएको बताए ।

प्रतिनिधिसभा बैठकमा आज विश्वासको मत लिने क्रममा प्रधानमन्त्रीले यस्तो दाबी गरेका हुन्। ‘नयाँ सरकार आउनेबित्तिकै शेयर बजार हरियो भयो’, उनले भने, ‘यो नयाँ सरकारप्रति जनताले देखाएको विश्वास र भरोसाको प्रमाण हो। अब देशभरका बजार चलायमान हुनेछन्।’

अर्थतन्त्रको ऐना मानिने शेयर बजार २७ महिनायताकै उच्च विन्दुमा पुगेको पनि ओलीले बताए। ‘५० लाखा बढी संलग्न शेयर बजार पछिल्लो २ सातामा ४०० अंकले बढेको छ’, उनले भने, ‘‘हाम्रो कार्ययोजना प्रारम्भ हुनासाथ उत्साहको शृंखला प्रारम्भ भएको छ।’

file image