काठमाण्डौ । नेपाली बजारमा सुनको मूल्यले दिनप्रति दिन नयाँ रेकर्ड बनाएको छ । मंगलबार आज हालसम्मकै उच्च मूल्यमा पुगेको हो ।
सोमबारको नयाँ रेकर्डलाई तोड्दै सुन मंगलबार हालसम्मकै उच्च भएको हो । सुन आज तोलामा ३०० रुपैयाँले बढेको छ । नेपाल सुनचाँदी ब्यवसायी महासंघका अनुसार आज सुनको मूल्य प्रतितोला एक लाख ६५ हजार ९०० रुपैयाँमा कारोबार भइरहेको छ ।
यता, चाँदीको मूल्य समेत तोलामा पाँच रुपैयाँले बढेको छ । चाँदी प्रतितोला दुई हजार १०० रुपैयाँमा कारोबार भइरहेको हो ।
अर्थ चाैतारी ।
