काठमाण्डौ । वाणिज्य आपूर्ति तथा उपभोक्ता संरक्षण विभागले सिनेमा हलभित्र खाद्य तथा पेय पदार्थको प्याकेट वा बोतल एमआरपी (अधिकतम् खुद्रा मूल्य) भन्दा बढीमा बिक्री गर्न नपाइने जनाएको छ ।
विभागले विज्ञप्ति जारी गर्र्दै देशभरका सिनेमा हलमा पानीको बोटललगायत अन्य पेय पदार्थ तथा प्याकेटको वस्तु एमआरपीमै बेच्नुपर्ने जनाएको हो । यो निर्णय गर्नुअघि नेपाल चलचित्र संघसँग छलफल गरिएको विभागका प्रवक्ता डिकबहादुर कार्कीले जानकारी दिए ।
विभागले प्याकेट वा बोटलमा तोकिएको भन्दा बढी मूल्य लिएको पाइए कानुन बमोजिम कारबाही गरिने पनि चेतावनी दिएको छ ।
अर्थ चाैतारी ।
