डोल्पा । कर्णाली प्रदेशको हिमाली जिल्ला डोल्पाबाट यस वर्ष २ करोड २० लाख रुपैयाँभन्दा बढीको स्याउ निर्यात भएको छ।
राष्ट्रिय कृषि आधुनिकीकरण कार्यक्रम, कार्यक्रम कार्यान्वयन इकाई कार्यालय डोल्पाले दिएको जानकारीअनुसार, डोल्पाबाट कुल सय मेट्रिक टन स्याउ बाहिरिएको हो।
कार्यालयले स्याउ निर्यातका लागि ढुवानीमा ५० प्रतिशत अनुदान सहयोग उपलब्ध गराउँदै आएको छ। डोल्पाको स्याउ पोखरा र काठमाडौंजस्ता ठूला सहरहरूमा पुगेको छ।
कार्यालयका निमित्त कार्यालय प्रमुख गोविन्द मल्लका अनुसार यस वर्ष ५० हेक्टर क्षेत्रफलमा स्याउ खेती गरिएको थियो। कर्णाली प्रदेशका जुम्ला, कालिकोट र मुगु लगायतका अन्य जिल्लाहरूमा पनि स्याउ उत्पादन हुने गर्दछ।
अर्थ चौतारी ।
