काठमाण्डौ। श्रम संस्कृति पार्टीका अध्यक्ष एवं प्रतिनिधि सभा सांसद हर्क साम्पाङले पूर्व प्रधामन्त्री केपी शर्मा ओली र पूर्व गृहमन्त्री रमेश लेखकलाई कारबाही गर्नुपर्ने बताएका छन्।
शनिबार सामाजिक सञ्जालमार्फत उनले एकपक्षीय कारबाही मात्र पर्याप्त नहुने बताए। उनले २४ गतेको घटनामा संलग्न मुख्य योजनाकारहरूलाई पनि तत्काल कानुनी दायरामा ल्याउनुपर्नेमा सरकारको ध्यानाकर्षण गराएका छन्।
उनले सामाजिक सञ्जालमा लेखेका छन्, ‘केपी ओली र रमेश लेखकलाई कारबाही होस् तर २४ गते सिंहदरबार, सर्वोच्च न्यायालय र संसद् भवन जलाउने योजनाकार र त्यो कृत्य गर्ने अगुवाहरूलाई पनि कारबाही हुनुपर्छ।’
अर्थ चौतारी ।
