काठमाण्डौ । अमेरिकाका राष्ट्रपति डोनाल्ड ट्रम्पले इरानका ‘नयाँ राष्ट्रपति’ले युद्धविराम माग गरेको दाबी गरेका।छन्।

उनले ट्रुथ सोसलमा लेखेका छन्, ‘इरानका नयाँ राष्ट्रपति पहिलेभन्दा कम कट्टरपन्थी र बढी धूर्त छन्। उनले अमेरिकासँगको युद्ध अन्त्य माग गरेका छन्।’

उनले अगाडि लेखेका छन्, ‘हामी यसबारे तब मात्र विचार गर्नेछौँ, जब होर्मुज स्ट्रेट खुल्छ र पूर्ण रूपमा स्वतन्त्र र सुरक्षित हुन्छ। जबसम्म त्यो हुँदैन, हामी इरानलाई पूर्ण रूपमा ध्वस्त पार्नेछौँ वा उसलाई ढुङ्गे युगमा फर्काइदिनेछौँ।’

ट्रम्पले कसलाई भने ‘नयाँ राष्ट्रपति’?

ट्रम्प भन्छन् कि ‘इरानका नयाँ राष्ट्रपति’ले युद्धविरामको अनुरोध गरेका छन्। उनले कसलाई संकेत गरेका हुन् भन्ने कुरा स्पष्ट छैन।

अमेरिका र इजरायलले फेब्रुअरी २८ मा इरानमा हवाई आक्रमण सुरु गरेयता देशका सर्वोच्च नेता अयातुल्लाह अली खामेनीसहित धेरै जना वरिष्ठ नेता/अधिकारी मारिएका छन्। ८ मार्चदेखि अली खामेनीका छोरा मोज्तबा खामेनी सर्वोच्च नेता बनेका छन्।