काठमाण्डौ । प्रिमियम होम एस्थेटिक्सको क्षेत्रमा अग्रणी नाम कजारिया रमेश टायल्स लिमिटेडले आफ्नो नयाँ र विशेष ब्रान्ड अभियान ’घरमा कजारिया, सबैले सोध्ने नै भयो नि!’ आधिकारिक रूपमा घोषणा गरेको छ। यो देशव्यापी अभियान २०८३ जेठ ११ देखि सुरु हुँदैछ।

चर्चित ब्रान्ड एम्बेसेडरहरू रणवीर सिंह र रश्मिका मंदाना आबद्ध यस अभियानले आफ्नै घर हुनुको गर्विलो क्षणलाई उजागर गर्दछ। यसले विश्वस्तरीय कजारिया टायल्सको प्रयोगले कसरी जुनसुकै घरलाई पनि एक उत्कृष्ट स्टाइल स्टेटमेन्टमा रूपान्तरण गर्छ, जसले पाहुनाहरूको प्रशंसा र चासोलाई सजिलै आकर्षित गर्दछ भन्ने कुरा प्रदर्शन गर्दछ। प्रिमियम इन्टेरियर फिनिसिङ रोज्दा समाजमा पाइने पहिचान र प्रशंसा नै यस अभियानको मुख्य अवधारणा हो। रणवीरको ऊर्जाशील व्यक्तित्व र रश्मिकाको आकर्षक शालीनताको उत्कृष्ट मेलमार्फत कजारियाका डिजाइनहरूले कसरी नेपाली घरहरूलाई अन्तर्राष्ट्रिय स्तरको भव्यता प्रदान गर्छन् भन्ने कुरा यस अभियानमा सुन्दर ढंगले प्रस्तुत गरिएको छ।

अभियानको शुभारम्भका अवसरमा कजारिया रमेश टायल्स लिमिटेडका प्रवक्ताले भन्नुभयो, “घर भनेको व्यक्तिको सफलता र अभिरुचिको प्रतिबिम्ब हो। हाम्रो नयाँ अभियान ’घरमा कजारिया, सबैले सोध्ने नै भयो नि!’ ले घरमा आउने पाहुनाहरूले फ्लोर र वालको सौन्दर्य देखेर प्रशंसा नगरी रहनै नसक्ने सुखद क्षणलाई समेटेको छ। रणवीर र रश्मिकाको प्रभावशाली उपस्थितिमार्फत नेपाली घरपरिवारमा विश्वस्तरीय विलासिता सिधै भित्र्याउने हाम्रो प्रतिबद्धतालाई थप सुदृढ बनाउन पाउँदा हामी अत्यन्तै उत्साहित छौँ।“

कजारिया रमेश टायल्स लिमिटेडले उन्नत प्रविधिसहितको देशकै सबैभन्दा ठूलो टायल उत्पादन उद्योग स्थापना गरी नेपालमा टायल उद्योगलाई नयाँ परिभाषा दिएको छ। यसको नेतृत्व विभिन्न अन्तर्राष्ट्रिय मान्यताहरूबाट थप सुदृढ बनेको छ, जसमा Superbrand २०२५ को उपाधि, Asia’s Most Promising Brand को मान्यता तथा विश्वका ८औँ ठूला टायल उत्पादक कम्पनीमध्ये एकका रूपमा प्राप्त स्थान समावेश छन्। गुणस्तर तथा दिगोपनाप्रतिको प्रतिबद्धता ISO ९००१ः२०१५ र ISO १४००१ः२०१५ प्रमाणीकरणमार्फत पुष्टि भएको छ भने भारतीय हरित भवन परिषद् (IGBC) को सदस्यताले यसको वातावरणीय जिम्मेवारीलाई झल्काउँछ। यसैलाई निरन्तरता दिँदै कजारियाले हालै NS Quality Award २०२६ समेत प्राप्त गरेको छ, जसले यसलाई विश्वसनीय र विश्वस्तरीय टायल उत्पादकका रूपमा थप मजबुत बनाएको छ। ३,००० भन्दा बढी डिजाइन विकल्पसहित कजारियाले टिकाउपन, सौन्दर्य र कार्यसम्पादनको उत्कृष्ट संयोजनमार्फत आन्तरिक स्थानहरूलाई रूपान्तरण गर्दै आएको छ।

हाल कजारियाले नेपालभर १०० भन्दा बढी शोरूमहरूको सशक्त सञ्जाल विस्तार गरिसकेको छ। कम्पनीका उत्पादनहरूमा ग्लेज्ड भिट्रिफाइड टायल (६०X१२० से.मी., ६०X६० से.मी., १९.५X१२० से.मी.), हेभी ड्युटी ग्लेज्ड भिट्रिफाइड टायल (४०X४०से.मी.) तथा सेरामिक वाल टायल (३०X६० से.मी., ३०X४५ से.मी.) समावेश छन्। यी टायलहरू पानी तथा दाग प्रतिरोधी, बलियो, दीगो र आधुनिक डिजाइनमा उपलब्ध छन्।