काठमाण्डौ । स्वास्थ्य बीमा बोर्डले स्वास्थ्य बीमा कार्यक्रम अन्तर्गत थप डेढ अर्ब रुपैयाँ दाबी भुक्तानी दिएको छ। बोर्डले चालू आर्थिक वर्ष २०८०–८१ को चौथो दाबी भुक्तानी किस्तावापत बिहीबार थप १ अर्ब ५६ करोड ४६ लाख ८८ हजार रुपैयाँ दाबी भुक्तानी दिएको हो ।
बोर्डका अनुसार सातवटै प्रदेशका गरी कूल ३४० वटा स्वास्थ्य संस्थालाई दाबी भुक्तानी गरिएको हो । बोर्डले स्वास्थ्य सेवा प्रदायक अस्पताल तथा स्वास्थ्य संस्थालाई चालू आर्थिक वर्षको फागुन १० गतेसम्ममा चौथो पटक समेत गरी बोर्डका स्वास्थ्य सेवा प्रदायक संस्थालाई ४ अर्ब ९० करोड १६ लाख रुपैयाँ भन्दा बढी दाबी भुक्तानी गरेको छ। यसअघि गत पुस ८ गते १ अर्ब ७६ करोड ५३ लाख ६९ हजार रुपैयाँ दाबी भुक्तानी गरेको थियो ।
बोर्डका अनुसार दोश्रो किस्तावापत ३३८ वटा स्वास्थ्य संस्थालाई कूल १ अर्ब ६९ करोड ६५ लाख रुपैयाँ भुक्तानी गरिएको छ। त्यसअघि पहिलो किस्तावापत ३३६ संस्थालाई गत असोज २ गते कूल १ अर्ब ४६ करोड ३८ लाख ५१ हजार रुपैयाँ सोधभर्ना गरिएको थियो ।
अर्थ चाैतारी ।
