शिक्षकहरुलाई यस्तो आयो खबर, अब निजामति सरह सेवा सुविधा पाउने

  • फाल्गुन १० २०७८, मंगलवार

काठमाडौं । विद्यालयमा अध्यापन गराउने शिक्षकले लामो समय देखि माग गर्दै आएको निजामति सरहको सेवा सुविधा अब पाउने भएका छन् । शिक्षक सेवा पास गरेर विभिन्न तहमा अध्यापन गराइ राखेका शिक्षक र लोक सेवा पास गरेका निजामति कर्मचारीहरुमा समान तहमा समेत सेवा सुविधामा भारी फरक रहेको थियो ।

सोमबार शिक्षा विज्ञान तथा प्रविधि मन्त्रालयमा एक कार्यक्रमका विच मन्त्रालय र शिक्षक महासंघ विच सम्झौता भएको छ । २०७८ कार्तिक २८ गते शिक्षा तथा मानव स्रोत विकास केन्द्रका महानिर्देशक चुडामणि पौडेलको संयोजकत्वमा गठिक कार्यदलले पेश गरेको प्रतिवेदन अनुसार सोमबार मन्त्रालयमा मन्त्री देवेन्द्र पौडेल र शिक्षक महासंघका अध्यक्ष कमला देवी तुलधरले संयुक्त रुपमा हस्ताक्षर गरेका हुन् ।

images

अब प्राथमिक तहका शिक्षकहरुले निजामति सेवा अनुरुप खरिदार सरहको सेवा सुविधा पाउने भएका छन् । त्यस्तै निम्न माध्यामिक तहका शिक्षकहरुले नयाब सुब्बा सहरको सुविधा र माध्यामिक तहका शिक्षकले शाखा अधिकृत सरहको सेवा सुविधा पाउने छन् । शिक्षकहरुले अब बैठक भत्ता, ड्रेस भत्ता, दुर्गाम भत्ता, लगाएका भत्ताहरु पाउनेछन् । त्यस्तै निजामति सरहकै तलब र विदा समेत पाउने छन् ।

 

No description available.

images