काठमाण्डौ । सामसुङको वर्षको दोस्रो ठूलो इभेन्ट ग्यालेक्सी अनप्याक्ड २०२२ आज अर्थात् अगस्ट १० मा आयोजना हुँदैछ। यो कार्यक्रममा ग्यालेक्सी जेड फोल्ड ४ र सामसुङ ग्यालेक्सी जेड फ्लिप ४ लन्च गरिने छ। दुवै स्मार्टफोन फोल्ड ३ र फ्लिप ३ को सक्सेसरका रुपमा आउनेछन्। कम्पनीले आफ्नो आधिकारिक युट्युब च्यानल, सामसुङ न्युजरुम र वेबसाइटबाट कार्यक्रमको प्रत्यक्ष प्रसारण गर्नेछ।

ग्यालेक्सी बड्स २ प्रो र ग्यालेक्सी वाच ५ पनि कार्यक्रममा लन्च गर्न सकिन्छ। ग्यालेक्सी अनप्याक्ड २०२२ कार्यक्रम अगस्त १० मा साँझ ६ः४५ बजे सुरु हुनेछ। ग्यालेक्सी अनप्याक्ड २०२२ कार्यक्रमको मुख्य फोकस दुई उत्पादन हुन्। कम्पनीले यस कार्यक्रममा ग्यालेक्सी जेड फोल्ड ४ र ग्यालेक्सी जेड फ्लिप ४ लन्च गर्ने तयारी गरेको छ। यी दुई उत्पादनबाहेक ग्यालेक्सी बड्स २ प्रो र ग्यालेक्सी वाच ५ पनि लन्च गर्न सक्छ।

ग्यालेक्सी जेड फोल्ड ४ को आधिकारिक मूल्य अझै घोषणा गरिएको छैन। रिपोर्टका अनुसार कम्पनीले यो डिभाइस १ हजार ७९९ युरोको मूल्यमा लन्च गर्न सक्छ। यो मूल्य फोनको २५६जीबी स्टोरेज भेरिएन्टका लागि हो। त्यस्तै ५१२जीबी स्टोरेज भेरिएन्ट १ हजार ९१९ युरोको मूल्यमा आउन सक्छ। ग्यालेक्सी जेड फ्लिप ४ का बारेमा कुरा गर्दा यसको बेस भेरियन्ट १२८जीबी स्टोरेजका साथ हुनेछ। यसको मूल्य १ हजार १०९ युरो हुनेछ। जब कि यसको २५६जीबी स्टोरेज भेरिएन्ट १ हजार १६९ युरोको हुनेछ। कम्पनीले सामसुङ ग्यालेक्सी वाच ५ २९९ युरो मा लन्च गर्न सक्छ। यो मूल्य ब्लुटुथ भेरियन्टको हुनेछ। यसका साथै प्रयोगकर्ताले फोरजी भेरियन्टका लागि ३४९ युरो खर्च गर्नुपर्नेछ। ग्यालेक्सी वाच ५ प्रोको मूल्य ४६९ युरोबाट सुरु हुनेछ।