काठमाण्डौ । कजारिया रमेश टायल्स लिमिटेडले काठमाण्डौको जोरपाटी (नारायणटार) मा आफ्नो नयाँ आधिकारिक शोरुम सञ्चालनमा ल्याएको छ । शिव शक्ति बिजनेस हाउससँगको साझेदारीमा सञ्चालित यस शोरुमको सोमबार पूर्वप्रधानन्यायाधीश प्रकाशमान सिंह राउतले औपचारिक उद्घाटन गरेका हुन् । उद्घाटन समारोहमा कजारिया रमेश टायल्सका निर्देशक हिमांशु अग्रवाल र ब्रान्ड एम्बेसेडर दिव्या रायमाझी लगायतको उपस्थिति थियो ।

नयाँ शोरुमले स्थानीय घरधनी, निर्माणकर्ता र डिजाइनरहरूलाई ब्रान्डका प्रिमियम फ्लोर र वाल टायल्सको बृहत श्रृंखलामा प्रत्यक्ष पहुँच प्रदान गर्ने लक्ष्य राखेको छ । आधुनिक शैलीमा व्यवस्थित शोरुमले ग्राहकलाई टायलको प्याटर्न, फिनिसिङ र साइज प्रत्यक्ष हेरेर छनोट गर्न सहज बनाउने कम्पनीले जनाएको छ । कजारिया रमेश टायल्सका प्रतिनिधिले जोरपाटी र आसपासका द्रुत रूपमा विकास भइरहेका क्षेत्रका ग्राहकलाई विश्वस्तरीय कलेक्सनमार्फत घर निर्माण प्रक्रिया सहज बनाउन यो शोरुम सहयोगी हुने विश्वास व्यक्त गरे ।

नेपालकै सबैभन्दा ठूलो टायल उत्पादन उद्योग दाबी गरेको कजारियाले ‘सुपरब्रान्ड २०२५’, ‘एशियाज् मोस्ट प्रमिसिङ ब्रान्ड’ र विश्वका शीर्ष ८ टायल उत्पादकको मान्यता पाइसकेको छ । हालै ‘एनएस क्वालिटी अवार्ड २०२६’ बाट समेत सम्मानित यस ब्रान्डका नेपालभर १०० भन्दा बढी शोरुमहरू सञ्चालनमा छन् । नयाँ शोरुममा असाधारण मजबुती, पानी र दाग प्रतिरोधी क्षमता भएका ३ हजारभन्दा बढी आधुनिक डिजाइनका ग्लेज्ड भिट्रिफाइड, सेरामिक वाल र हेभी ड्युटी भिट्रिफाइड टायल्स उपलब्ध गराइएको कम्पनीले जनाएको छ ।

कजारिया रमेश टायल्स लिमिटेडले उन्नत प्रविधि र विश्वस्तरीय मापदण्ड अनुरूप देशकै सबैभन्दा ठूलो टायल उत्पादन उद्योग स्थापना गरी नेपालको टायल उद्योगलाई नयाँ परिभाषा दिएको छ । कम्पनीको बजार नेतृत्व विभिन्न अन्तर्राष्ट्रिय उपलब्धिहरूबाट थप सुदृढ बनेको छ, जसमा सुपरब्राण्ड २०२५ को उपाधि, ’एशियाज् मोस्ट प्रमिसिङ ब्रान्ड’ को मान्यता तथा विश्वका शीर्ष ८ टायल उत्पादकमध्ये एकका रूपमा स्थापित हुनु समावेश छन् । गुणस्तर र दिगोपनाप्रतिको यसको प्रतिबद्धता ISO ९००१ः२०१५ र ISO १४००१ः२०१५ प्रमाणीकरण, इन्डियन ग्रीन बिल्डिङ काउन्सिल (IGBC) को सदस्यता र प्रतिष्ठित NS Quality Award २०२६ मार्फत स्पष्ट हुन्छ, जसले यसलाई एक विश्वसनीय उद्योग नेतृत्वकर्ताको रूपमा स्थापित गरेको छ ।

३,००० भन्दा बढी आधुनिक डिजाइन विकल्पहरूसहित यस ब्रान्डले दीर्घकालीन टिकाउपन र उत्कृष्ट कार्यसम्पादनयुक्त उत्पादनहरू मार्फत आन्तरिक स्थानहरूलाई निरन्तर रूपान्तरण गर्दै आएको छ । हाल कजारियाको नेपालभर १०० + शोरुमहरूको सशक्त देशव्यापी उपस्थिति रहेको छ । यसको विविध उत्पादन पोर्टफोलियोमा ग्लेज्ड भिट्रिफाइड टायल्स (६०X१२० से.मी., ६०X६० से.मी., ४०X४० से.मी. (८ मि.मी.), र १९.५X१२० से.मी.), सेरामिक वाल टायल्स (३०X६० से.मी. र ३०X४५ से.मी. एचडी पोलिस्ड), र हेभी ड्युटी भिट्रिफाइड टायल्स (४०X४० से.मी., १२ मि.मी.) समावेश छन् जुन उनीहरूको असाधारण मजबुती तथा पानी र दाग प्रतिरोधी क्षमताका लागि अत्यधिक प्रसिद्ध छन् ।