काठमाण्डौ । सामसङले लोकप्रिय ए–सिरिजको सबैभन्दा नयाँ सदस्य ग्यालेक्सी ए०४इ नेपाली बजारमा ल्याएको छ।

ए–सिरिजको यो पछिल्लो लन्च ग्यालेक्सी ए०४इ एउटा इन्ट्री–लेभल फोन हो। यसमा ३ जीबी र्याम छ र ३२ इन्टर्नल मेमोरीको भेरिएन्टमा आउने कम्पनीको दाबी छ। यसमा थप १टीबी एक्सटर्नल स्टोरेज स्पेस माइक्रो एसडी कार्डद्वारा जोड्न सकिन्छ। तर यो फोनको प्रमुख विशेषता भने यसको डिस्प्ले र क्यामरा रहेको छ। नयाँ ग्यालेक्सी ए०४इको मूल्य १३ हजार ४९९ रुपैयाँ रहेको छ।

ग्यालेक्सी ए०४इमा ३ वटा क्यामेरा समावेश छन्। रेअरमा डुअल क्यामेरा जसमा मेन क्यामेरा १३ एमपी रहेको छ र यसको साथ–दिन २ एम पीको डेप्थ क्यामेरा छ। फ्रन्ट साइडमा ५ एमपी क्यामेरा रहेको छ। ग्यालेक्सी ए०४इको ६.५ इन्च स्क्रिन ७२०X१६०० पिक्सल रेसोलुसनको साथ आउँछ। यसको ५००० एमएएच ब्याट्रीले ४० घण्टासम्म विना कुनै चार्जिङको आवश्यकताको स्क्रिन–टाइम दिने कम्पनीको दाबी छ।