काठमाण्डौ । त्रिभुवन अन्तर्राष्ट्रिय विमानस्थलबाट फेरि अवैद्य रुपमा ल्याइएको सुन वरामद भएको छ । विमानस्थलमा खटिएका प्रहरीले १ किलो ३ सय ग्राम अवैध सुनसहित ५४ वर्षीया श्रीलङ्काली नागरिक कान्थी माथी कावस्करलाई पक्राउ गरेको छ ।
कान्थी माथी कावस्करले ब्राभित्र प्लास्टिकले बेरेको अर्धठोस सुन दुई पोका तौल ५ सय ग्राम तथा लगाएको कट्टुभित्र ८ सय ग्राम गरी कुल १ किलो ३ सय ग्राम सुन बरामद गरिएको हो ।
फ्लाई दुबईको उडान नम्बर एफजेड ५७३ बाट गए राति १ बजे काठमाण्डौ आएकी कान्थी माथी कावस्करको राहदानी नम्बर ८१५१३८५ रहेको प्रहरीले जनाएको छ । यसबारे त्रिभुवन अन्तर्राष्ट्रिय विमानस्थल भन्सार कार्यालयले थप अनुसन्धान गरिरहेको छ।
अर्थ चाैतारी ।
