काठमाण्डौ । यूनाइटेड मोदी हाइड्रोपावर लिमिटेडले हकप्रद शेयर निष्काशन गर्नको लागि विद्युत नियमन आयोगबाट पूर्व स्वीकृति पाएको छ ।आयोगको माघ २२ गते बसेको संचालक समितिको बैंठकले कम्पनीलाई हकप्रद शेयर निष्काशनको प्रस्ताव साधारणसभामा पेश गर्न स्वीकृति दिएको हो ।
कम्पनीले हाल कायम चुक्ता पुँजीको १ः१ को अनुपातमा शतप्रतिशत हकप्रद शेयर जारी गर्ने निर्णय गरेकोछ । अब कम्पनीको उक्त प्रस्ताव नेपाल धितोपत्र बोर्डले अनुमति दिएपछि र कम्पनीको आगामी वार्षिक साधारण सभाले पारित गरेपछि हकप्रद निष्काशन हुनेछ ।
अर्थ चाैतारी ।
