काठमाण्डौ । नेपाल राष्ट्र बैंकले तीन विकास बैंक र तीन फाइनान्स कम्पनीका सञ्चालक र प्रमुख कार्यकारी अधिकृत (सीईओ)माथि कारबाही गरेको छ।

केन्द्रीय बैंकले चालु आर्थिक वर्षको पहिलो त्रैमासमा नियामकीय व्यवस्था मिचेकोमा ती बैंक तथा फाइनान्सका सञ्चालक र सीईओमाथि कारबाही गरेको हो। कारबाहीमा पर्ने विकास बैंकहरुमा सिन्धु, साल्पा र मितेरी छन् भने फाइनान्स कम्पनीमा जानकी, गोर्खाज र प्रोग्रेसिभ छन्। यी वित्तीय संस्थाहरुका सञ्चालक र सीईओलाई प्रथम पटक सचेत गराइएको छ।

यसैगरी रिलायन्स फाइनान्सलाई भने अनिवार्य नगद मौज्दात नपुग भएकोले नगद ११ हजार २२७।६५ रुपैयाँ जरिवाना गरिएको राष्ट्र बैंकले जनाएको छ।