काठमाण्डौ । नेपाल धितोपत्र बोर्डका अध्यक्ष सन्तोषनारायण श्रेष्ठ बारेको गलत समाचार हटाउन काठमाण्डौ जिल्ला अदालतले आदेश दिएको छ ।
प्रेस काउन्सिलकाे क्षेत्राधिकार नागेर काठमाण्डौ जिल्ला अदालतका न्यायाधीश पीताम्बर शर्माको एकल इजलासले मंगलबार दुई वटा मिडियामा प्रकाशन भएको श्रेष्ठ सम्बन्धित गलत समाचार हटाउन अल्पकालिन अन्तरिम आदेश दिएका छन् ।
शर्माको इजलासले विजमान्डु डटकम र नेपाल खबर डटकममा छापिएको सन्तोषनारायण श्रेष्ठसँग सम्बन्धित गलत समाचारले उनको इज्जत प्रतिष्ठामा आँच पुर्याएको, बेइज्जत गर्ने तबरबाट समाचार प्रकासन भएको उल्लेख गरिएको छ ।
श्रेष्ठलाई ती समाचारले अपुरणीय क्षति पुग्नुका साथै सुविधा सन्तुलनका दृष्टिकोणसमेतले ती वेवसाइटमा छापिएका अप्रमाणित, तथ्यहीन समाचार प्रकासन नगर्न नगराउन र प्रकाशित भएको समचार तुरुन्त हटाउन अल्पकालीन अन्तरिम आदेश जारी गरेको हो । सो अल्पकालीन अन्तरिम आदेशले निरन्तरता पाउने नपाउने भन्ने सम्बन्धमा ने विपक्षिलाई आगामी असार ४ गते छलफलका लागि बोलाएको छ ।
यस्ताे छ मिडियालाई समाचार हटाउन अदालतले गरेकाे आदेश
अर्थ चाैतारी ।
