काठमाण्डौ । सरकारले राष्ट्रिय सहकारी नियमन प्राधिकरणको कार्यकारी निर्देशकको जिम्मेवारी सहसचिव शेषनारायण पौडेललाई दिएको छ । सोमबारको मन्त्रिपरिषद बैठकले पौडेललाई सहकारी नियमन प्राधिकरणको कार्यकारी निर्देशकको जिम्मेवारी तोकेको हो ।
श्रम, रोजगार तथा सामाजिक सुरक्षा मन्त्रालयका सहसचिव पौडेल हालै मात्रै विदेशबाट अध्ययन गरेर फर्किएका हुन् । उनले जापानबाट इन्टरनेशनल माइग्रेन्ट म्यानेजमेन्ट शीर्षकमा पीएचडी अध्ययन सकेका हुन् ।
पौडेलले यसअघि रामेछापसहित विभिन्न जिल्लाको प्रमुख जिल्ला अधिकारी हुँदै वैदेशिक रोजगार विभाग र भूमि व्यवस्थापन तथा अभिलेख विभागको महानिर्देशको जिम्मेवारीसमेत सम्हालिसकेका छन् । पौडेल ‘इन्ट्रिगिटी आइडल’ घोषित भएका राष्ट्रसेवक कर्मचारी पनि हुन् ।
अर्थ चाैतारी ।
