काठमाण्डौ । एनआईसी एशिया बैंकले आफ्ना ग्राहकहरूलाई बैंक खातामा स्थायी लेखा नम्बर (PAN) अद्यावधिक गर्न अनुरोध गरेको छ ।

आयकर ऐन २०५८ अनुसार बैंकले ग्राहकको खाताबाट काटेको करको विवरण आन्तरिक राजस्व विभागको प्यान प्रणालीमा जोड्न अनिवार्य भएकोले यो अनुरोध गरिएको हो ।

प्यान अद्यावधिक गर्ने तरिका:-

अनलाइन पोर्टल: panupdate.nicasiabank.com मा गएर।

मोबाइल एप: NIC ASIA MoBank मा रहेको “PAN Update” विकल्पमार्फत।

शाखा कार्यालय: नजिकको कुनै पनि शाखामा गएर आवेदन दिने व्यवस्था पनि मिलाइएको छ।

बैंकका अनुसार, प्यान अद्यावधिक गरेपछि ग्राहकहरूको ब्याज भुक्तानीबापत काटिएको कर (E-TDS) सिधै उनीहरूको प्यान नम्बरमा प्रविष्ट हुन्छ। यसले गर्दा ग्राहकहरूलाई करकट्टी प्रमाणपत्र र कर चुक्ता प्रमाणपत्र लिन सहज हुन्छ, र बैंकसम्म धाउनुपर्ने अवस्थाको अन्त्य हुन्छ।

यदि ग्राहकले प्यान अद्यावधिक नगराएमा र सो कारणले E-TDS मा ब्याजकर दाखिला नभएमा बैंक जिम्मेवार नहुने पनि स्पष्ट पारिएको छ।