क्यालिफोर्निया । अमेरिकी विद्युतीय सवारी साधन निर्माता कम्पनी टेस्लाले अमेरिकाबाट ६३,००० भन्दा बढी साइबरट्रकहरू फिर्ता बोलाएको छ। ट्रकका हेडलाइटहरू अत्यधिक उज्यालो भएकोले यो निर्णय लिइएको हो।
अधिकारीहरूका अनुसार, अत्यधिक उज्यालोले विपरीत दिशाबाट आउने चालकको ध्यान भङ्ग गराउन सक्छ, जसले गर्दा दुर्घटनाको जोखिम बढ्छ।
राष्ट्रिय राजमार्ग ट्राफिक सुरक्षा प्रशासनका अनुसार, फिर्ता बोलाइएका ट्रकहरू २०२४ र २०२६ मोडेल वर्षहरू बीच निर्मित केही साइबरट्रकहरू हुन्। यी सवारी साधनहरू नोभेम्बर १३, २०२३ देखि अक्टोबर ११, २०२५ बिचमा उत्पादन भएका र २०२५.३८.३ भन्दा पुरानो सफ्टवेयर संस्करण जडान गरिएका छन्।
यस समस्यासँग सम्बन्धित कुनै दुर्घटना, चोटपटक वा मृत्युको रिपोर्ट भने आएको छैन। टेस्लाले यो समस्या समाधान गर्न निःशुल्क सफ्टवेयर अपडेट जारी गर्दैछ। ग्राहकहरूले सेवा केन्द्रमा जानु पर्दैन, गाडीको सफ्टवेयर स्वचालित रूपमा अद्यावधिक हुनेछ।
अर्थ चौतारी ।
