काठमाण्डौ । श्रीनगर एग्रीटेक इन्डस्ट्रिज लिमिटेडको आईपीओ बाँडफाँट आगामी बुधबार (कात्तिक १२ गते) हुने भएको छ। बिक्री प्रबन्धक नबिल इन्भेष्टमेण्ट बैंकिङ लिमिटेडले बाँडफाँटको तयारी पूरा गरेको जनाएको छ।
कम्पनीको आईपीओमा १९ लाख ४२ हजार ६८२ जनाले आवेदन दिएका थिए। यो ८.६४ गुणा बढी माग हो।
आईपीओमा कुल २५ लाख १० हजार ४९३ कित्ता शेयर सर्वसाधारणका लागि निष्कासन गरिएको थियो। त्यसअनुसार २ लाख ५१ हजार ४९ जना लगानीकर्ताले मात्र शेयर प्राप्त गर्नेछन्।
तीमध्ये ३ जनाले ११ कित्ता र बाँकीले १० कित्ताका दरले शेयर पाउनेछन्।
यसरी १६ लाख ९१ हजार भन्दा बढी (करिब १७ लाख) लगानीकर्ताको हात भने रित्तो रहने निश्चित भएको छ।
अर्थ चौतारी ।
