काठमाण्डौ । नेपाल राष्ट्र बैंकले १ हजार रुपैयाँका नयाँ नोट छपाइका लागि चिनियाँ कम्पनीसँग सम्झौता गरेको छ।
राष्ट्र बैंकका अनुसार, १ हजार रुपैयाँका ४३ करोड थान नोट छपाइ गर्ने जिम्मा चाइना बैंक नोट प्रिन्टिङ एन्ड मिन्टिङ कर्पोरेशनलाई दिइएको हो। उक्त कार्यका लागि १ करोड ६९ लाख ८५ हजार अमेरिकी डलर (झण्डै २२ अर्ब नेपाली रुपैयाँ) खर्च हुने बताइएको छ।
चिनियाँ कम्पनीले नोटको डिजाइन, प्रिन्टिङ, आपूर्ति र डेलिभरी सबै जिम्मेवारी लिनेछ।
यसअघि पनि सोही कम्पनीले नेपालका ५, १०, १०० र ५०० रुपैयाँका नोट छपाइको जिम्मा पाइसकेको थियो।
राष्ट्र बैंकका अधिकारीहरूका अनुसार, नयाँ नोटहरूको छपाइ कार्य सम्पन्न भएपछि बजारमा पुराना नोट फेरेर क्रमशः नयाँ नोट ल्याउने तयारी भइरहेको छ।
अर्थ चौतारी ।
