नेपाल ज्योति-बर्दिवास नगरपालिका–१४ की ६ वर्षीया गुलाव शाह खातुनको हत्याको विरोधमा काठमाडौंमा प्रदर्शन गरिएको छ ।

नेकपा(क्रान्तिकारी)माओवादी निकट अखिल नेपाल महिला संघ(क्रान्तिकारी)ले खातुनको हत्याको विरोधमा काठमाडौंको माइतिघरमा विरोध प्रदर्शन गरेका हुन् ।

उनीहरुले उक्त घटनाको गहिरो अनुसन्धान गरि दोषिलाई कडा कारवाहीको दायरामा ल्याउनुपर्ने भन्दै नारावाजी गरेका थिए ।

मुलुकमा महिला बालबालिका हत्या र बलात्कारका घटना बढेपनि सरकारले प्रभावकारी कदम चाल्न नसकेको उनीहरुले बताएका छन् । बलात्कारका मुद्धाहरुमा एकल विन्दु न्याय निरुपण प्रयााली लागू गर्नुपर्ने, राज्यका हरेक निकायमा महिलाको समान सहभागीतको ग्यारेन्टी गर्नुपर्ने लगाएतका प्लेकार्ड बोकी उनीहरु प्रदर्शनमा उत्रेका हुन् ।