काठमाण्डौ । साताको पहिलो कारोबार दिन सेयर बजारमा दोहोरो अंकको गरिावट आएको छ । गत बिहिबार ११.२९ अंकले घटेको सेयर बजार मापक नेप्से परिसूचक आज ३०.०२ अंकले घटेको छ।
यसदन १.१५ प्रतिशतले घटेको नेप्से परिसूचक २५ सय ६६ दशमलव ०९ बिन्दुमा रोकिएको छ ।
नेप्से परिसूचकसँगै आज कारोबार रकम पनि घटेको छ ।आज ३२२ कम्पनीको १ कराेड ६ लाख १९ हजार १८० कित्ता सेयर खरिद बिक्रि हुँदा ४ अर्ब ९० करोड ७६ लाख २४ हजार रूपैयाँको कारोबार भएको छ ।
गत बिहिबार ३२० कम्पनीको १ कराेड ८ लाख ६१ हजार १४६ कित्ता सेयर खरिद बिक्रि हुँदा ५ अर्ब ४१ करोड ६९ लाख ३९ हजार रूपैयाँको कारोबार भएको थियाे ।
यसदिन सबै समुहका सेयर घटेका छन् । आज सर्वाधिक फाइनान्स समुहकाे सेयर २.९१ प्रतिशत घटेकाे छ ।
घटेकाे बजारमा आज दरमखाेला हाइड्राे इनर्जी, माबिलुङ इनर्जी, सागर डिस्टिलरी, रूरू जलविद्युत परियाेजना र १०.२५ % नेपाल एसबिआइ बैंक डिबेञ्चर २०८३ काे सेयर मूल्य ९ प्रतिशत भन्दा धेरै बढेकाे छ ।
अर्थ चौतारी ।
