विदुर । लुम्बिनी विकास बैंक बट्टार शाखाले आफ्नो सामाजिक उत्तरदायित्व अन्तर्गत विद्यालयलाई डेक्स बेन्च सहयोग गरेको छ । बिहीबार एक कार्यक्रम गरी बैंकले युनाइटेड आधारभूत विद्यालय विदुर ४ बट्टारलाई डेक्स तथा बेन्च सहयोग गरेको हो ।

एक कार्यक्रमको आयोजना गरी बैंकका शाखा प्रबन्धक अजय आचार्य तथा शाखा कर्मचारीहरूले डेक्स बेन्च विद्यालय व्यवस्थापन समितिका अध्यक्ष देव नारायण चित्रकार र प्रधानाध्यापक रमेशकुमार श्रेष्ठलाई हस्तान्तरण गरे ।

सो विद्यालयमा निम्न आय भएका १ सय ६७ बालबालिका अध्ययनरत रहेका छन् । कार्यक्रममा वडाध्यक्ष निलमबाबु ढुङ्गेलले सहयोग गरेकोमा बैंकलाई धन्यवाद दिए ।