काठमाण्डौ । घोराही सिमेन्ट इन्डस्ट्रीज लिमिटेडको ४ करोड कित्ता बढी शेयरको लकइन अवधि २०८३ असार ३१ गते समाप्त हुने भएको छ ।
कम्पनीमा संस्थापकले धारण गरेका ४ करोड १ लाख ९५ हजार ६ सय ३४ कित्ता , आयोजना प्रभावित स्थानीयको नाममा रहेको २४ हजार ७ सय ५ कित्ता र कम्पनीका कर्मचारीसँग रहेको ९७ हजार ७ सय ७२ कित्ता गरि कुल ४ करोड ३ लाख १८ हजार १ सय ११ कित्ता शेयरको लकइन अवधि आगामी असार ३१ गते समाप्त हुन लागेको हो ।
सार्वजनिक निष्काशन गरि शेयर बाँडफांड गरेको ३ वर्षसम्म कम्पनीको संस्थापक, र कम्पनीका कर्मचारीले शेयर बिक्री गर्न नपाइने गरि लकइनमा राख्नु पर्ने व्यवस्था छ । लकइन अवधि खुलेपछि भने संस्थापक, र कर्मचारीले ति शेयर बिक्री गर्न सक्ने छन् ।
कम्पनीका संचालक र उच्च व्यवस्थापनमा रहेकाले भने शेयर बिक्री गर्न पाउने छैनन् । यस कम्पनीले प्रिमियम मूल्यमा आईपीओ निष्काशन गरेको थियो ।
अर्थ चाैतारी ।
