काठमाण्डौ । जनउत्थान लघुवित्त वित्तीय संस्थाले आफ्ना लगानीकर्ताहरूलाई १५ प्रतिशत बोनस सेयर दिने भएको छ । कम्पनीले गत आर्थिक वर्षको नाफाबाट आफ्ना लगानीकर्तालाई चुक्ता पुँजीको १५ प्रतिशतका दरले बोनस सेयर दिने प्रस्ताव गरेको हो ।

असार मसान्तसम्मको अवधिमा कम्पनीको चुक्ता पुँजी १४ करोड ७९ लाख रुपैयाँ रहेको थियो । यसको १५ प्रतिशतका दरले २ करोड २१ लाख ८५ हजार रुपैयाँ हुन आउँछ ।

यस्तै, कर प्रयोजनका लागि भनेर कम्पनीले ०.७८९५ प्रतिशत दिने भएको छ । यो भनेको ११ लाख ६७ हजार रुपैयाँ हुन आउँछ ।कम्पनीको २००औँ सञ्चालक समितिको बैठकले गरेको प्रस्ताव आगामी वार्षिक साधारणसभाले पारित गरेपछि लागू हुने छ ।