नेपाल ज्योति-नेपाली लेग स्पिनर सन्दीप लामिछाने अष्ट्रेलियामा हुने बिग बास क्रिकेटमा होबार्ट हरिकेन्समा अनुबन्ध भएका छन्।

मेलवर्नसँगको सम्झौता सकिएपछि कुनै फ्रेन्चाइजिमा नरहेका उनलाई हरिकेन्सले सम्झौता गरेको हो। सन्दीपको सम्झौतासँगै हेरिकेन्सको टोलीले पनि पूर्णता पाएको छ।

हेरिकेन्सका प्रशिक्षक एडम ग्रिफिथले सन्दीपले आफ्नो टोलीको बलिङ आक्रमणमा नयाँ आयाम ल्याउने बताए। उनले भने, सन्दीपले आफ्नो रहस्यमयी स्पिनका साथमा खेल परिवर्तन गर्न सक्छन्। जुनसुकै इनिङ्समा खेल्न सक्ने भएकाले सन्दीप सिद्ध विकेट टेकर पनि हुन्।’

सन् २०१८ मा बिगबास लिगमा डेब्यु गरेका सन्दीपले दुई सिजन मेलवर्न स्टार्समा बिताएका थिए। बिगबासमा कुल २० खेल खेलेका सन्दीपले १९.८० को एभेरजमा २६ विकेट झारेका थिए।