काठमाण्डौ । स्वास्थ्य तथा जनसङ्ख्या मन्त्रालयले कोरोना भाइरसको ओमिक्रोन प्रजातिको उपप्रजाति नेपालमा नभेटिएको पुष्टि गरेको छ ।
चीनसँगै अन्य देशमा पुष्टि भएको बीएफ सेभेन नेपालमा अहिलेसम्म नभेटिएकाले हल्लाको पछि नलाग्न मन्त्रालयले अनुरोध गरेको हो । मन्त्रालयका सहप्रवक्ता डाक्टर समीरकुमार अधिकारीले पछिल्लो एक महिनामा देशका विभिन्न स्थानबाट संकलित नमुनाको परीक्षण गर्दा ओमिक्रोनका अन्य उपप्रजाति भने पुष्टि भएको जानकारी दिए ।
उक्त उपप्रजाति नभेटिए पनि सतर्कता भने अपनाउन उनले सबैसँग अनुरोध गरे ।
अर्थ चाैतारी ।
