एजेन्सी । यो शताब्दीको मध्यसम्ममा थप आठ करोड मानिस भोकमरीको जोखिममा पर्ने अनुमान गरिएको छ ।
सन् २०२१ मा ८२ करोड ८० लाखभन्दा बढी मानिसले खाद्यान्न असुरक्षा र अभावको सामना गरेकामा जलवायु परिवर्तनको प्रभावले यो शताब्दीको मध्यसम्ममा थप आठ करोड मानिस भोकमरीको जोखिममा पर्ने अनुमान गरिएको संयुक्त राष्ट्रसङ्घले जनाएको छ ।
राष्ट्रसङ्घका मानव अधिकार प्रमुख भोल्कर तुर्कले जलवायु सङ्कटसँग जुझ्दा छोटो अवधिका लागि मात्र सोच्ने विश्वका नेताहरूको आलोचना गरे ।
उनले मौसमी घटनाहरूले बालीनाली, वन्यजन्तु र पारिस्थितिकीय प्रणालीलाई नष्ट पारिरहेको भन्दै यसले समुदायको उत्थान र सहयोगका लागि काम गर्न कठिन बन्दै गएको बताए ।
अर्थ चाैतारी ।
