काठमाण्डौ । सीडीएस एन्ड क्लियरिङ (सीडीएससी)ले १३ औँ वार्षिक साधारणसभा आह्वान गरेको छ।
कम्पनी सञ्चालक समितिको बैठकले वार्षिक साधारणसभा पुस २६ गते आयोजना गर्ने निर्णय गरेको हो। सभा काठमाडौंको पुतलीसडकस्थित शेयर मार्केट्स कमर्सियल कम्प्लेक्समा बिहान ११ बजेबाट सुरु हुनेछ।
सभाले आर्थिक वर्ष २०७९÷८० को नाफाबाट आफ्नो शेयरधनीहरुलाई १०० प्रतिशत नगद लाभांश वितरण गर्ने प्रस्ताव पारित गर्नेछ। सभाले उक्त आर्थिक वर्षको वार्षिक प्रतिवेदन र वित्तीय विवरण पनि स्वीकृत गर्नेछ। सभाले आर्थिक वर्ष २०८०÷८१को लेखापरीक्षण गर्न लेखापरीक्षकको नियुक्ति गर्ने र निजको पारिश्रमिक तोक्ने प्रस्तावित अनुमोदन गर्नेछ।
अर्थ चाैतारी ।
